#在家抗疫日常 #久久未有出現的食譜出現啦！😍
因為停課，一日24小時入面我地全職媽媽要面對精力旺盛的小朋友起碼12個鐘，我認我年紀大😵，真的唔夠佢地玩！日常家務有增無減，但同時又要服侍兩個老細，所以我經常會煮最簡單的 one pot meal 去解決晚餐，其中一款最受柯豬和些莉妹歡迎的料理就係 ｢和風比目魚炊飯｣，做法很簡單又非常好食，只需要一個電飯煲就攪得掂，洗少好多嘢😍，現在和大家分享做法！
材料：
急凍比目魚柳 (可以用其他魚柳代替)
米 1杯
熱水 100ml
鰹魚湯包 1包
日式醬油 1湯匙
味琳 2湯匙
料理酒 1湯匙
將鰹魚湯包放入熱水，令湯包的味道釋放出嚟，等侯大約5分鐘。這5分鐘可以用嚟洗米，瀝乾水，之後將出咗味嘅鰹魚湯、醬油、味琳，一齊倒入飯煲，再依照電飯煲的水位指示注入清水至1杯米的水位，然後開始煲飯。
比目魚柳解凍 (最好早一晚由冰格拎去普通格低溫解凍)，清洗，印乾，用料理酒查勻魚柳，醃10~15分鐘。
等到電飯煲烹調的剩餘時間<20分鐘>時，將比目魚平鋪喺飯面，蓋上飯煲繼續煮。
當飯煲的alarm響起，｢和風比目魚炊飯｣ 就大功告成啦 😊!! 柯豬媽當日準備的蔬菜係西芹，所以另外做個清炒西芹，再放喺炊飯上面一齊食~
PS.
1.一湯匙醬油睇落好似好多，但比目魚係完全無落調味，所以魚柳和飯都係靠醬油俾鹹味，所以一湯匙其實唔算太多。 如果你的小朋友未夠2歲，想口味淡啲，請將醬油份量減半。
2. 想鰹魚味重啲，可以將湯包放入飯煲一齊煮，到要放比目魚柳時先夾走。
4. 這個炊飯好適合同啲耐煮嘅蔬菜一齊煮，例如紅蘿蔔、蕃薯、南瓜、薯仔、粟米、椰菜、旺菜、合掌瓜，etc。蔬菜切成細粒，喺飯煲剩餘30分鐘時間的時候加入，又或者一開始就連米一齊煮都得，咁就有魚有菜有飯，真正的 one pot meal!!
#柯豬姐與些莉妹
Search